Home » دمېرمنو اسلام » دمسلماني میرمني غوره صفت(۲)

دمسلماني میرمني غوره صفت(۲)

دوهم صفت : صالح کیدل

دمیرمنوترټولوښه صفت چې له امله یې  ټول ښه اوښایسته صفات پکې راځي دهغې نیک اوصالحه کیدل دي، داخبره په ډېروحدیثونوکې ذکر شوي،بلکه په اسلام کې درشتي تلاش کې هم  دهمدي معیارجوړولوتعلیم راکړل شوی،په دې سلسله کې  دمسلم شریف ۱۴۶۶ نمبرحدیث کې  دحضرت ابوهریرة – رضی الله تعالی عنه – روایت سره راغلي چې رسول الله – صلی الله علیه وسلم – وفرمایل : تنکح المرأة لأربع، لمالها ولحسبها ولجمهالها ولدینها فاظفربذات الدین تربت یداک .

ژباړه :له یوې ښځې سره دڅلورو شیانوله امله  نکاح کوله کیږي ،یادهغې دمالداري له امله ، یادهغې دحسب اونسب له امله ، یادهغې دښایست له امله اویاهم دهغې ددینداري له  امله .نوتاسوددینداري ښځي په غوره کولوکې کامیابي ترلاسه کړئ،ستاسولاسونه دي په خاوروککړشي (که تاسودینداري په نظرکې ونه نیسي بلکه محض دحسن اوښایست په تلاش کې یاست).

دمسلم شریف  په ۱۴۶۷ نمبرحدیث کې  حضرت عبدالله بن عمرو – رضی الله تعالی عنه- څخه روایت نقل شوی چې رسول الله – صلی الله علیه وسلم- وفرمایل : الدنیا متاع وخیر متاع الدنیا المرأة الصالحة .

ژباړه : دینا متاع ( دفائدي ترلاسه کولوشیئ) دی اوپه دنیاکې ترټولودفائدي اخستوپه شیانوکې  غوره  صالحه میرمن ده .

دابن ماجه په ۱۸۵۵ نمبر حدیث  په روایت کې راغلي چې : رسول الله -صلی الله علیه وسلم – وفرمایل : لیس من متاع الدنیا شیئ أفضل من المرأة الصالحة .

ژباړه : په دنیاکې له فائده اخستونکي شیانوڅخه  یوشیئ هم ترنیکه اوصالحه میرمن غوره شیئ نشته .

همداراز دابن ماجه په ۱۸۵۷ نمبرحدیث کې راغلي چې : رسول الله – صلی الله علیه وسلم- ارشادوفرمایل : مااستفادالمؤمن بعد تقوی الله خیراله من زوجة صالحة .

ژباړه : یومسلمان اومؤمن ته  دالله تعالی له وېري ( تقوی حاصلیدو) وروسته  ترصالحي میرمني هیڅ بهترشیئ نه دی حاصل شوی.

دابوداود  په ۱۶۶۴  نمبرحدیث کې له حضرت عبدالله بن حسن – رحمه الله تعالی- څخه  نقل شوي چې : أربع من سعادة المرء : أن تکون زوجته صالحة ، وأن یکون ولده ابرار،وأن تکون معیشته في بلده واخوانه صالحون.

ژباړه : څلورشیان دانسان دنیکبختي نښاني دي : یوداچې صالحه اونیک عمله میرمن یې وي،دوهم داچې صالح اولاد یې وي ،درېیم داچې په خپل ښارکې  یې دژوندکاروباربرابروي،څلورم داچې  نیک اوصالح وروڼه ولري.

ابن عساکر پخپل تاریخ :۲۱/۱۲۰  کې همداروایت  له رسول الله – صلی الله علیه وسلم – څخه مرفوعا نقل کړی اودزوجې لپاره یې ( أن تکون زوجته موافقة ) الفاظ ذکرکړي ،چې مطلب یې دادی چې دهغه میرمن( دمزاج اوطبعیت ) موافقه وي ،

په مرقاة المفاتیح شرح مشکاة المصابیح پنځم ټوک کې  له حضرت علي – کرم الله وجهه- د ربناآتنافي الدنیاحسنة   تفسیر په  نیک اوصالحه میرمن سره نقل کړی شوی، اودفي الآخرة حسنة  تفسیریې په  حورعین سره  اود قناعذاب النار تفسیریې په هغه ښځه سره کړی چې په سړي مسلطه وي .

دمصنّف ابن ابی شیبه 17143 په یوه روایت کې حضرت عبد الرحمن ابن ابزی-رحمه الله څخه رانقل شوي چې:”مَثَلُ الْمَرْأَةِ الصَّالِحَةِ عِنْدَ الرَّجُلِ كَمَثَلِ التَّاجِ الْمُتَخَوَّصِ بِالذَّهَبِ عَلَى رَأْسِ الْمَلِكِ، وَمَثَلُ الْمَرْأَةِ السُّوءِ عِنْدَ الرَّجُلِ الصَّالِحِ مَثَلُ الْحِمْلِ الثَّقِيلِ عَلَى الشَّيْخِ الْكَبِيرِ“ا

یعني : له یونارینه سره نیکه  اوصالحه میرمن دهغه سروزروپوښل شوي تاج  مثال لري چې دبادشاهانوپرسروي ، اودیوه نیک سړي سره بداخلاقه اوبده ښځه  دزاړه پرسر دیوه دروند بار په مثل ده .

م/ محمد

About admin