Home » اعتکاف » دمسنون اعتکاف اړوند مسائل

دمسنون اعتکاف اړوند مسائل

لیکوال مفتي ابویاسر

دروژي په ورستیوکې اعتکاف  سنت مؤکده کفايه ده

 مسئله  :  دروژي  په  وروستيو لسو  شپو اوورځو كښي  اعتكاف  سنة مؤكده  كفايه ده  .  كه يې  دكلي  يامحلي  ځخه  يو يادوه كسا ن  وكړي    نور خلك يې په  تر ك  [ پريښولو ] نه ګنهګاريږي  .  الدرالمختار وردالمحتار  ۳\۴۹۵

داعتکاف لپاره نيت شرط ده

 

مسئله   : داعتـــــــــــــــــــــــــــكاف لپاره نيت شرط ده  بي له نيته  اعتكاف  نه صحيح كيږي  .

  الهنديه  ۱\۲۱۱  و الطحطاوي ص\ ۶۹۹

داعتکاف له شرائطو څخه يوهم مسجد ده

مسئله   :  داعتكاف  له شرائطو څخه  يو هم  مسجد ده  لهذا د نارينه  اعتكاف  دمسجد څخه علاوه  په كور يابل ځاى  كښي  نشي كيدلى  .

في الهنديه  ۱\۲۱۱  ومن  شرائطها  مسجد الجماعة  فيصح  في كل مسجد  له اذان واقامة .

داعتکاف لپاره مطلق مسجدشرط ده .

 مسئله  :  داعتكاف  لپاره  مطلق  شرعي مسجد شرط ده  ،داضروري  نه ده چي  په   هغه مسجد كښي به  پنځه وقته  په جماعت سره لمونځونه كيږي  . يابه  دجمعي لمونځ پكښي  كيږي  .

لمافي الدرالمختار وردالمحتار ۳\۴۹۳   وقالا يصح في كل مسجد  وصححه السروجي  في الشامي  تحته  قوله وصححه  السروجي   وهو اختيار الطحاوي  قال   الخير الرملي  وهوايسر  خصوصا في زماننا  فينبغي  ان  يعول  عليه  .  الخ

داعتکاف لپاره ترټولو افضل مساجد.

 مسئله  : دنارينه ؤ داعتکاف لپاره ترټولو افضل  داسلام لمړني سترمساجد دي یعني مسجدالحرم المکي ، مسجدالحرم المدیني ، اومسجداقصی بیت المقدس اوله هغه وروسته بیاافضل داده  چي  اعتكاف  په جامع مسجد كښي  وكړي  او كه هغه نه وي   نوبيا  دكلي  اودمحلي  مسجد  غوره ده   .

لمافي التاتارخانيه ۲\۴۱۱  الافضل  اعتكاف الرجل  في الجامع   اذاكان ثمه قوم يصلون بجمعة  فان لم يكن  فاعتكافه  في مسجده  افضل  .  الخ

والموسوعة الفقهية  ۵\۱۷۷

که میرمنو اعتکاف کاوه نو داعتکاف لپاره به ضرور يوځای معلومه وي

 مسئله :   ميرمني  دي  دكور په مسجد كښي[ يعني هغه ځاى  چي  په كور كښي دښځو دلمانځه لپاره  معلوم  شوي وي ]   اعتكاف  كوي  او كه يې  په  كور كښي  داسي ځاى  نه وي  نوبيا دي دكور  يوه  خونه يا دخوني  يو كنج  اوزاويه  دلمانځه  او اعتكاف  لپاره  معلوم  كړي  اوبيا دي  په  هغه ځاى  كښي   داعتكاف نيت وكړي  .

كه يې  یوه خونه یا په خونه کښی يوځاى  دلمانځه اواعتكاف لپاره معلوم  نه  كړ  اوهسي  په  خونه كښي  يې  اعتكاف كاوه  نو دا اعتكاف يې صحيح  نه ده  .

 مراقي الفلاح والطحطاوي  ص \۶۹۹   الهنديه ۱\ ۲۱۱   .

ميرمنوته داعتکاف خونه دمسجد حکم لري

 مسئله   :  ميرمني  چي  په  كوم  ځاى  كي  اعتكاف  كوي  نو هغه ځاى  ددوۍ  لپاره  دمسجد حكم  لري   بي   دشرعي  عذرونو  نشي  ځيني  وتلاى   كه  بي  عذره  ځيني  ووتلې  اعتكاف يي فاسديږي   كه واجب او نذري اعتکاف   وو بيرته به يې راګرزوی ،اوكه مسنون یانفلي  وو نوهغه په داسي وتلو سره پاى  ته رسيږي  .البته په مسنون اعتکاف کې به یوه ورځ قضاء راګرزوي اوپه نفلي کې قضاء نشته .

لمافي مراقي الفلاح  وطحطاوي ص\ ۶۹۹  فتلك البقعة  في حقها كالمسجد الجامع  في حق الرجل   لاتخرج  منها  الا لحاجة  الانسان  الخ  وفی الطحطاوی  لاتخرج منه اذا اعتکفت فلوخرجت لغيرعذريفسد واجبه     وينتهی  نفله  الخ

دميرمنوداعتکاف له شرائطوڅخه

 مسئله : ميرمنوته داعتكاف  لپاره یوشرط  داده چي  له ځانګړو بيماريو[ حيض  اونفاس ] څخه به پاكي وي  . اوكه كومي  ميرمني  ته  دا بيمارۍ  ورپيښه شي  نو داعتكاف له ځايه دي وزي  ، اواعتكاف يې پاي ته رسيږي   : ا و دیوی ورځی داعتکاف قضادی راوړی   ددی مسئلی تفصیل وروسته راروان ده .

ردالمحتار ۳\۴۹۵   احسن  الفتاوی  ۴-   ۵۱۲

ميرمني به داعتکاف لپاره له خاوندڅخه اجازه اخلي

مسئله  : دښځي داعتکاف لپاره ضروري ده چې له خاونده څخه اجازه واخلي  ،که دخاوندداجازي پرته یې اعتکاف وکړ نوګناهګاره ده البته اعتکاف یې صحیح دی .

اوکه  خاونداجازه ورکړه  اومیرمن یې اعتکاف ته داخله شوه نوبیازوج حق نه لري چي له اعتکاف یې وباسي یااعتکاف ورباندي پریږدي یایې فاسدکړي .

اوکه اعتکاف ته نه وه داخله شوي نوبیا زوج حق لري چي له اعتکاف څخه یې منعه کړي . اوداحکم عام دی که نفلي اعتکاف  وي اوکه سنت  یاکه دنذر  يعني په ټولو صورتونوکي هم دغه وړاندينی حکم دی لکه دهنديه له عبارت څخه چې معلوميږي .

 الهندية ۱\۲۱۱  والموسوعة الفقهية ۵\۱۷۷ .

په مسنون  اعتكاف  کې مسجدته دداخليدو وقت

 مسئله  :  : هغه څوك چي دمسنون اعتكاف نيت لري هغه به  په  ۲۰ درمضان المبارك  دمازيګر  دلمر لويدو  وړاندي    مسجد ته داخليږي  .   اوكه  په دي  وخت داخل نشو نو بيا يې  مسنون اعتكاف  پوره  نه ده   . نوځکه بهتره داده چې کله دمازيګر دجماعت لمانځه ته مسجدته داخل شې نوسمدستي دي له داخليدو سره داعتکاف نيت وکړي .

لمافي  معارف السنن ۵\ ۵۴۴ ومذهب الاربعة  هودخوله  قبل الغروب  لمن اراد ان يتم  العشر  الى قوله  بل الابتداء  بدخوله المسجد  قبيل  غروب الشمس  العشرين من رمضان  وكل من يريد ان يتم  اعتكاف العشر  لزمه ان  يدخل  المسجد  قبيل غروب الشمس من العشرين  والا لم يتم  له العشر  الخ

وفي المرقات ۴\۵۲۸ – ۵۲۹ وعن عائشه رضی الله تعالی عنها قالت :کان رسول الله صلی الله عليه وسلم اذا اراد ان يعتکف صلی الفجر ثم دخل في معتکفه رواه ابوداود وابن ماجة .والترمذي والنسايي .

قال علي القاري رحمه الله تعالی : وعندالائمة الاربعة أنه يدخل قبل غروب الشمس ان اراد اعتکاف شهر اوعشر وتأولوا الحديث بأنه صلی الله عليه وسلم دخل المعتکف وانقطع وتخلی نفسه فانه کان في المسجد …وليس المراد ان ابتداء الاعتکاف کان في النهار الخ  ومثله في الهندية ۱\۲۱۴

داعتکاف څخه دوتلو وقت

 مسئله  : داعتكاف څخه دوتلو  وقت   يې  دکمکي اختر دشپی  ماښام  ده  ، يعني دمازيګر دلمرلويدوڅخه وروسته ،البته  څرنګه  چي  په حديثو کې داختر دشپي  زيات  فضائل  راغلي نو  افضل  داده  چي  دكمكي اختر شپه په مسجدکې په عبادة سره تيره كړي اوله سپيدو څخه   وروسته   ووزي  . والله تعالی اعلم .

مسنون اعتکاف له مسجدڅخه په بي عذره  وتلوسره پاي ته رسيږي

مسئله   :  كه  په مسنون اعتكاف  كښي  معتکف یا معتکفه له  مسجد یاداعتکاف له خونی څخه  دشرعي  عذر پرته  ووزي  نو دغه اعتكاف یې  پاى  ته رسيږي    اودمسنون  اعتكاف  ثواب  يې  نشته  .

  الفقه  الحنفي  ۱\۴۳۲   وفي مراقی الفلاخ و الطحطاوي وانتهی بالخروج غيره ای غيرالواجب وهوالنفل  الخ وفی الطحطاوی ولاتخرج  منه اذا اعتكفت  فلوخرجت  لغير عذر يفسد واجبه   وينتهي  نفله  الخ

لمافي  معارف  السنن  ۵\ ۵۱۳  فلوافسد الاعتكاف المسنون  قبل  اتمامه  احرز ثواب مااعتكف  ولم يات بالسنة   الخ

About admin